Kancero e krlorreske matericako ćerdople po taruno kotor e matericako, savo si boldino ke vagina. O nasvalipe teljarel kana nesoske ćelije e krlorreske matericako teljaren bi kontrolako butimasa te ćerdonpe.
SAR SI ANDE SRBIJA ?
Katar majbut 1300 nevenasvale thaj paše džike 500 mule manušnja kancero e krlorreske matericako dujto si po rindo e nesvalimasko thaj štarto si rindosko katar soste merelpe e kancerostar maškar amari manušnjkani populacija.
SOSTAR AVEL DŽIKO KANCERO E KRLORRESKE MATERICAKO ?
Kancero e krlorreske matericako ćeren nesoske tipurja katar o Humano papilomaviruso (HPV). O genitalno HPV astardolpe e seksualne kontaktova.
ANDE SRBIJA SAJEKH ĐES MAJCARRA JEKH MANUŠNJI MEREL, A ŠTAR MANUŠNJA NASVAVON KATAR O KANCERO E KRLORRESKE MATERICAKO.
O HPV si po butipo buhljardo, džanglo si kaj vi po butipe manušnja saven si HPV saston katar 6 džike 24 čhona, a te ni či džangline ka si nasvale. No, o imuno sistemo nesoske manušnjengo naštik korkoro te tromalilpe katar o HPV –o, gajda kaj o riziko te nasvavolpe katar o kancero e krlorreske matericako si majbaro.
SO SI SIĐARNO ARAKHADIPE E KANCEROSKO E KRLORRESKE MATERICAKO ?
Trubul nekobor berša te e arlimata po krlorro e matericako savo ćerda e virusoski infekcija savi lungo vrjama trajil, te barjarelpe ando kancero. Rindoske dićhimata anen džiko reso te e arlimata po krlorro e matericako araćhenpe sigo, a majanglal džikaj či ćerdolpe o kancero, kana šaj loćimasa te fuljarenpe. Kasave resova e Republika Srbija teljada e čačune skrining programova palo sigutno arakhadipe e kancerosko e krlorreske matericako, savo si bipoćinimasko pale se manušnja katar 25 džike 64 berša.
Dićhipo palo sigutno arakhipe kancerosko e krlorreske matericako ćerdolpe birharimaske Papanikolay testova.
SAR ĆE DOLPE O PAPANIKOLAY TESTO?
Ande vrjama e harne thaj bidukhako dićhipe ko ginekologo katar opral e krlorreske matericako lelpe jekh koslipe savo bičhalelpe ande laboratorija, kaj ćerelpe analiza talo mikroskopo e ćelijengo save arlsajle (abnormalne). Kava dićhipe akhardol Papanikolay testo (Papa testo). Kava dićhipe či erdolpe kana si pe manušnji (menarha). Duj đesa majsigo no so avela o dićhipe, či trubul te avel nisosko sekso thaj či tromal te čhovenpe nisoske vaginaće draba. O Papanikolay testo majsigo čerdolpe duj berša rindova, a pale godova, te kala duj rezultatujra si lačhe, sa jekh trito berš.
SO ĆERELPE KANA ARESEL O REZULTATI?
Rezultato e testosko šaj te lena ande tumaro sastarimasko ćher. Butimaske manušnjen save rindova džan te dićhenpe ko sastarno, si lačho rezultato palo Papanikolay testo. Pale kava o riziko te vareko nesvavol katar o kancero e krlorreske e matericako si cikno.
Nesoske manušnjen si butimesko (abnormalno) rezultato po Papanikolay testo. Godova či mothol kaj len si kancero, no kaj ande lengo koslipe si arakhadine arlimaske ćelije, gajda kaj trubun inki nesave dićhimata, a čefal, mothola o ginekologo. Nesoske arlimata save araćhenape, trubun te lenpe tele thaj te na ćerdonpe ando kancero. Bipharimaske tretmanova, savo majsigo ćerelpe ande ambulanta, si kozom trubul thaj lačho. Kasave tretmanujra carra jal khanč či ačhaven o seksosko trajto jal te e manušnja naštik aven bajaturja.
Pale majbut informacije džan thaj pučen ande tumaro sastarimasko ćher.
KANCELARIJA PALO SKRININGO
Instituto palo javinako sastipe
„Dr Milan Jovanović Batut“
Dr Subotića 5, Beograd
011-206-27-33
Tehnikako poinćaripe thaj implementacija Nacioneske programosko palo skriningo ande Srbija.
Projektosko lovengo ažutipe del e Evropaki Unija.
KO tuće šaj te ažutil te na nasvavos katar o kancero?
TU! Paća ko akharipe ćire sastarnesko.
Kancero e krlorreske matericako:
Ćiro trajto ačhel palo sigutno arakhadipe
Kosipe krlorreske e matericako – minuto palo duripe.
Nacionosko programi Palo sigutno arakhadipe e kancerosko.
